రామ్ చరణ్ హీరోగా రూపొందుతున్న కొత్త సినిమా నాయక్. వి.వి.వినాయక్
దర్శకత్వం వహిస్తున్న ఈ సినిమా కోసం ఓ ప్రత్యేక గీతాన్ని రామ్
చరణ్-చార్మిలపై హైదరాబాద్ లో చిత్రీకరిస్తున్నారు. ఈ పాట చిత్రీకరణ
జరుగుతుండగా మెగాస్టార్ చిరంజీవి అక్కడికి వచ్చారు. ఆయన రాకతో అక్కడి
వాతావరణం ఒక్క సారిగా సందడిగా మారిపోయింది. ‘నెల్లూరే...’ ఐటెం సాంగ్
చిత్రీకరణ సమయంలో ఆయన రాక చార్మి సహా యూనిట్ సభ్యులల్లో ఉత్సాహం నింపింది.
ఈ విషయాన్ని చార్మి ట్విట్టర్ లో పొస్ట్ చేసింది. చిరంజీవి రాక అందరిలో
కొత్త ఉత్సాహం నింపిందని, రామ్ చరణ్ తో చేసిన ఈ పాట తనకి మంచి పేరు
తీసుకుని వస్తుందని భావిస్తున్నట్లు తెలిపింది. నాయక్ సినిమా సంక్రాంతి
కానుకగా జనవరిలో విడుదల కానుంది. డివివి దానయ్య నిర్మిస్తున్న ఈ సినిమాలో
కాజల్-అమలాపాల్ హీరోయిన్లుగా నటిస్తున్నారు.
0 comments:
Post a Comment