ఐదేళ్ల సుదీర్ఘ విరామం తర్వాత పాకిస్థాన్ క్రికెట్ జట్టు భారత్‌లో
ద్వైపాక్షిక సిరీస్ కోసం అడుగుపెట్టబోతోంది. ఈ నెల 25 నుంచి మొదలయ్యే
సిరీస్‌లో పాల్గొనేందుకు పాక్ శనివారం ఇక్కడకు రానుంది. మధ్యాహ్నం లాహోర్
నుంచి బయల్దేరిన జట్టు ఢిల్లీ చేరుకుంటుందని, అక్కడ కొద్దిసేపు విశ్రాంతి
తీసుకున్న తర్వాత నేరుగా బెంగళూరు రానున్నట్టు తెలుస్తోంది.
ఆసక్తిగా ఎదురుచూస్తున్న ఈ సిరీస్‌లో ఇరు జట్లూ రెండు టి-20, మూడు వన్డేలు
ఆడనున్నాయి. బెంగళూరు లోని చిన్నస్వామి స్టేడియంలో మంగళవారం జరిగే టి-20తో
దాయాదుల సమరానికి తెరలేవనుంది. రెండో టి-20 అహ్మదాబాద్‌లో 28న జరుగుతుంది.
వన్డే సిరీస్ లో భాగంగా మొదటి . వన్డే 30న చెన్నయ్‌లో ప్రారంభమవుతుంది.
రెండో వన్డేకు కోల్‌కతా లో జనవరి 3న , మూడో వన్డేకు ఢిల్లీ లో జనవరి 6న
జరగనున్నాయి.భారత్, పాకిస్థాన్ జట్లు తలపడుతున్నాయంటేనే అంచనాలు ఏస్థాయిలో
ఉంటాయో ఊహించుకోవచ్చు, అలాంటిది ఐదేళ్ల సుదీర్ఘ విరామం త ర్వాత అంటే
క్రికెట్ అభిమానుల్లో దానికుండే క్రేజ్ అంత ఇంత కాదు.
0 comments:
Post a Comment